تجربتي مع الشعر الخفيف اللي بيقع دايما

تجربتي مع الشعر الخفيف اللي بيقع دايما

تجربتي مع تساقط الشعر

انا اسمي ندى السيد انا ممرضة ف مستشفى جامعي و عندي 24 سنه ، زمان لما كنت صغيرة تقريبا و انا ف اولى معهد روحت اتبرع بالدم كانوا بيعملوا عندنا حملات للتبرع بالدم تبع الهلال الاحمر المصري ف المعهد و كان البروتوكول بتاعهم ان قبل ما اي حد يتبرع بالدم لازم يعمل تحليل الهيموجلوبين و هنا كانت الفاجأة فلاقي اللي كان بيحللي ان ضغط الدم عندي كان مناسب بس نسبة الهيموجلوبين ف دمي كانت 9 لو انا فاكرة صح و قالي يومها انتي عندك انيميا و سألني ازا كنت بتابع مع دكتور او بحس باي اعراض هبوط و الغريب ان عمر ده ما كان بيحصل معايا ابدا الحمد لله بس مش كنت بهتم اوي بحكاية الاكل الصحي دي خصوصا اني نسبيا مليانه يعني و فهمت بعد كده ان الوزن ملوش اي دعوه بحكاية الانيميا دي بس الغريب و اللي كان بيحصل معايا اني كنت بشوف ان شعري دايما متقصف و بيقع لحد لما بقيت هبقا قرعه خلاص و مكنتش بهتم كانت ماما دايما تقولي ان الماية ف المكان اللي احنا ساكنين فيه مش حلوه و نسبه الكلور فيها عالية جدا و طبعا ساعات شركة الماية بالذات ف الصيف بتزود نسبة الكلور ف الماية بشكل مبالغ فيه عشان تحد من انتشار الامراض ف فصل الصيف و هو ممكن يكون فعلا ماما كان معاها حق بس اختي نسرين كانت عايشه معانا ف البيت يعني و مكانش شعرها بيقع زي ما شعري بيقع و ده اللي خلاني اروح للدكتور عشان اشوف السبب اللي بيخلي شعري يقع بالطريقه الرخمه دي ..

تساقط الشعر و الثوم

ايه رأي الدكتور ف حالتك و وصفلك ايه ؟

لما روحت للدكتور و بالمناسبه هو كنت دكتور شاطر جدا مع انه شكله مش كبير و لا هو كان استشاري مثلا الراجل سألني شوية اسئله و من الاجابة قدر يحدد انا مشكلتي فين و وصفلي العلاج و الحمد لله الدنيا اتحسنت معايا ف خلال شهر و نص بس .. انا ده خلاني اقرا كتير ف المواقع يمين و شمال و دورت و جربت وصفات كتير بس اللي نفع معايا كان وصفه هقولكوا عليها ف اخر كلامي ..

تجربتي مع تساقط الشعر

لازم يا حبيبتي قبل ما تفكري تعالجي تساقط الشعر و ده اللي وصلتله ف الاخر انك تشوفي ايه اللي بيخلي شعرك يقع من اصله و ف الحكاية دي فعلا فيه كزا سبب لان ف الاخر تساقط الشعر ده نتيجه او عرض مهواش مرض ف حد ذاته .. طيب ايه هيا الاسباب دي .. حاولي تعرفي مشكلتك من كل اللي هقولة ..

  • ساعات بيكون الشعر بيقع بسبب الوراثه يعني الستات ف العيلة عندك شعرهم بيقع
  • او انك مش بتاكلي بروتين بكمية مناسبه
  • او انك زي عندك انيميا ف الدم
  • الحمل كمان بيخلي الشعر يقع
  • البنات وقت الامتحانات بيكونوا مضغوطين و شعرهم بيقع
  • وجود كميات كبيره من فيتامين الف ف الجسم بردو بيأثر
  • امراض التهاب الغده الدرقية
  • نقص فيتامين بي للناس الحلوه اللي مش بتاكل سلطة خضرا زيي
  • الناس التخان جامد شعرهم بيقع بردو
  • لو عندك اي مشكله الهرمونات و الدورة الشهريه
  • طبعا الاورام السرطانيه و العلاج الكيماوي ربنا يبعدها عن كل الناس و يشفي كل مريض بيوقع الشعر كمان

خدي بالك ان غالبا البنت اللي شعرها بيقع هتلاقي ضوافرها ضعيفه و دبلانه و حكاية الضوافر دي بتبان حتى كمان قبل ما الشعر يبتدي يقع

فوايد التوم للشعر

طيب ايه هو علاج تساقط الشعر و ازاي تقللي الشعر اللي بيقع

  • قصي اطراف الشعر من وقت للتاني
  • بلاش الحمام بالشامبو عمال على بطال ممكن جدا تغسلي جسمك و شعرك بجليسرين
  • سيبي شعرك ينشف بعد الحمام بلاش تمشطيه و هو مبلول
  • اشربي ماية كتير مش غلط ده حتى وشك هينور
  • كلي خضار و فاكهه كتير و سلطه
  • اعملي رياضه و كلي مكسرات كتير كمان
  • بلاش تضغطي نفسك جامد مهما حصل و لو حسيتي انك مضغوطه ارقصي على اي مهرجان فكي نفسك و كلي شكلاته
  • دلكي راسك بزيت جوز الهند و و اعملي كمان حمام بزيت الصبار او و اكتر حاجه فعلا جابت معايا نتيجه اني كنت قبل الحمام بدلك راسي بالتوم هو بيلسع الدماغ شوية بس بيفوق الشعر جدا و لو يا ستي على ريحته حمام محترم و اغسلي شعرك كويس جدا هتروح الريحه و كلها اسبوعين تلاته هتلاحظي الفرق و بلاش بقا تدوري تاني انا جبتلك الخلاصه اهو عشان النت مليان استهبال كتير و ادوية مش بتبقا مناسبه مع كل الحالات .. ف حالتي الطبيعي هو اللي جاب معايا سكه الحمد لله فضل و نعمة من عند ربنا و ف البيت و ببلاش و برخص التراب كمان .. جمال البنت مننا ف شعرها لو مكانش الشعر تمام مزاجنا مش هيبقا تمام و يا ريت كمان كل بنت شعرها كويس تجرب حكاية التوم دي مش هتخسر اي حاجه ..

تجربتي مع مخلوط زيت الزيتون و الثوم

تجربتي مع مخلوط زيت الزيتون و الثوم

فوايد التوم مع زيت الزيتون

ازيكوا يا بنات انا سارة هشام عندي 27 سنه متجوزه من اربع شهور الحمد لله ، كنت كتير بقرا على النت مقالات عن فوايد زيت الزتون مع التوم و ناس تقول جبار و ناس تقول بلح اي كلام و من كتر الكلام الكتير عليه فكرت يعني اني ليه مجربش الوصفه دي و اشوف الكلام اللي بقراه ده هينفعني ولا لا لاقيت يعني ان زيت الزتون عندي ف البيت موجود و مش بنستعمله عشان جوزي مش بيحب طعمه و لا بيحبه حتى على السلطة او اي اكله حتى لو كانت خفيفه ..

تساقط الشعر و زيت الزيتون

و التوم موجود مقشراه و حاطاه ف كيس ف التلاجه قولت اما نشوف العالم دي بتحكي ف ايه جبت برطمان صلصه فاضي عندي و غسلته كويس و حطيت فيه لنصه كده زيت زيتون و حطيت جواه قد عشر فصوص توم كده او 15 قد ما شالت اديا توم و سيبته مقفول و خليته ف المطبخ عشر تيام حتى جوزي كان كل اما يخش المطبخ يسمعني كلمتين تريقه ف الرايحه و ف الجاي و يقولي انتي اتهبلتي تحطي التوم على زيت الزتون و ف الاخر هترميهم ما كنتي شحتيهم لاي حد غلبان بدل اختراعاتك دي و انا طبعا و لا اتهزيت لو عمل المخلوط ده حاجه فانا اللي هستفيد و لو معملش اديني عرفت ان المقالات اللي بتتكلم ع الكلام ده مقالات خايبه و كنت بردو هطلع اكتب ان المقلات دي مقالات خايبه و الزيت و التوم ملهمش اي تأثير ..

طب ايه حكايه زيت الزتون مع التوم؟

بس هو انا من الاول اصلا عارفه من ايام ما كنت صغيرة ان زيت الزتون بيفيد الشعر جدا حتى ماما كانت تحطلنا منه على شعرنا كل يوم جمعة كان عندها المضوع ده قاعدة و لما كبرت عرفت هيا كانت بتعمل كده ليه .. ده غير ان بابا الله يرحمه كان عندهم الصلع ف العيلة عندهم وراثي و هو كان بيستعمل وصفة التون على الشعر دي و كان بيجيب معاه نتيجه فمن قبلها و انا عارفه ان الموضوع مش هيطلع فشنك باذن الله ..

فوايد التوم للشعر

المخلوط بصارحه فعال جدا و الطريقة بتاعت استخدامه سهله هو بس كانت مشكلتي الريحه المقرفه اللي بتطلع منه ده للناس اللي مش بتستحمل ريحة التوم زيي مع ان حلها بسيط جدا هو دوش صغير و غسيل جيد للشعل هيفي بالغرض ..

تاثير التوم مع زيت الزيتون على تقصف الشعر

انا شعري كان جاف جدا و متقصف بطريقه مستفزه و كنت عايشة مع حمامان الزيت شوية دابر املا و شويه زيت فاتكا و ايفا بالصبار و الشغل ده كله اللي كانوا الجماعه بتوع الصيدليات بيقنعونا بيهم و هو كان كل همهم انهم يبعوا الكريمات اللي عندهم ف الاجزخانه و لا فارق معاهم مين شعره يقع و لا يولع الله يسامحهم بقا .. المهم اني ابتديت احط من الخليط ده على شعري و لاحظت من تالت يوم ان شعري ارتاح جدا و فعلا بدأ شكله يتغير بطريقه خلت جوزي اللي ف العادة مش بياخد باله من حاجات كتير بعملها زيه زي اغلب الرجاله المصريين للاسف و قالي انتي حاطه ايه على شعرك و فهمته اني حطيت من البرطمان اللي هو كان ف الرايحه و الجاية يتريق عليه ..

تجربتي مع تساقط الشعر

لاحظت كمان انه بيعالج الشعر من القشرة او الحكه او اي حاجه من الحاجات دي و بيخلي الشعر يطول و يتقل و يكون فيه لمعه واضحه جدا حتى بعد ما يتغسل و اخواتي كمان لاحظوا و من ساعتها و البرطمان ده دايما ف البيت و لازم اسبوعيا استخدمه و اغسل شعري بعدها و الفرق حقيقي كان واضح جدا و حيوية شعري و جماله الحقيقي بان بفضل ربنا اولا و بفضل زيت الزيتون مع التوم و كل حاجه بقت تمام جدا الحمد لله ..