تجربتي لتفتيح المناطق الحساسة

تجربتي لتفتيح المناطق الحساسة

تجربتي لتفتيح المناطق الحساسة

تجربتي لتفتيح المناطق الحساسة

مسا مسا يا بناويت ازيككككم .. انا انا جاية النهردي احكي عن كم السخف اللي انا عايشه جواه و مأزم حياتي كتير خصوصا ان متجوزه و جوزي للأسف من النوع اللي بيعلق كتير هو انسان كويس ربنا يباركله و يستره انا مش بقول حاجه و الله بس هو كتير بحسه محنتف ف نفسه و عندو جنون او بيسموه فوبيا النضافه هو عايز كل حاجه على اكمل وجه و زي الكتاب ما بيقول انا مشكلتي الحقيقيه هي مع المناطق الحساسة انا الحمد لله نضيفه ف نفسي و بهتم اوي نضافتي و بالمكان ده بالذات لاننا يعني لما بنمارس علاقتنا الزوجيه او الحميميه زي ما الناس بيحبوا يسموها بنتعامل كتير ببعض الاساليب الفمويه زي البلوجوب احنا بنحب نعمل ده دايما و ده عمره ما هيحصل الا لو كان المكان نضيف جدا و يخلي حد انف جدا زي جوزي ميحسش بأي ضيق انه يعملي كده لحد ما ف اول الصيف اللي الفات و مع مرواحي الشغل كل يوم ف الحر خصوصا اني مش عندي عربيه هو شغلي جمب البيت انا بمشي للشغل الصبح و برجع ع العصر كل يوم بحاول اعمل رياضه و بحاول اخس انا وزني اكتر من المثالي بشويه اللي بيقولوا عليهم كيرفي او مدملكه هههه .. فده طبعا مع الحر و مع الاحتكاك المستمر بيخلي المكان و من غير ما احس بيتدي يسمر مع اني كتير بغير هدومي اللي جوه يمكن مرتين كل يوم عشان احاول استعمل دايما هدوم نضيفه و المكان ميغمقش زياده ..

تجربتي لتفتيح المناطق الحساسة

انا الحكايه دي مدايقاني جدا و ده اللي مخليني اجرب منتجات و وصفات عشبيه كتير حتى حالتي النفسيه بقت ف الحضيض خصوصا ان جوزي بقا ميجيليش زي الاول .. قبل كده كان ابسط استفزاز مني ليه هووب خمس دقايق بنكون دخلنا ف علاقه كامله دلوقت ممكن الاقيه يقولي معلش بلاش النهرده و حركات كده مكنتش متعوده عليها معاه ..

تجربتي مع تفتيح الركبتين و الاكواع

انا ف الاخر و بعد السؤال يمين و شمال قررت اروح لدكتوره جلديه اختي كانت بتتعامل معاها كان شعرها بيتقصف و يقع و الدكتوره الله يسترها مفيش شهرين اختي بقا شعرها ما شاء الله احسن من الاول فانا قولت اكيد هلاقي عندها حل للحكايه دي و بالمره اشوف شعري و كل المشاكل الجلديه اللي عندي ..

الدكتوره اتعاملت ازاي مع حالتي؟

المهم ان الدكتوره كشفت عليا و قالتلي بالنص بصي مش هينفع انك تعملي اي حاجه و لا توصلي لاي نتيجه بالاعشاب و الخلطات اللي بتعمليها دي لانها مش هتكون مجديه زي الادويه اللي هقولك عليها تستعمليها و نتابع نتايجها عليكي وحده وحده لو انها جابت معاكي نتيجه و بقيتي انتي و جوزك ملاحظين الفرق يبقا هتكملي عليها لحد المكان ده ميرجع اشطه غير كده هنبتدي نغير الادوية لحد ما نلاقي الانسب لحالتك و ف كل الاحوال مش عاوزاكي تخافي خالص لان الموضوع عاوز شويه صبر و عزيمه لحد ما نوصل لانسب حاجه مع بشرتك و بناءا عليه هنعرف ايه الدوا الانسب لتفتيح المنطقه الحساسه و منطقه الباطين بس قبل كووول ده هنعمل جلسة تقشير علشان نفتح المسام و نشيل الطبقه الخارجيه دي نسنفرها و كل حاجه تمشي زي ما رتبنا ..

تجربتي مع تفتيح الركبتين و الاكواع

و فعلا عملت جلسه التقشير اللي اتفقنا عليها و كتبتلي شويه ادويه هقولكوا عليها و نختبرها سوا و احكيلكوا ع النتايج بس ربنا يباركلكوا مفيش بنت او ست تاخد كلامي ده على انه الحل السحري اللي مسلم بيه و تتعب نفسها و تروح لاي دكتور جلديه معروف انه كويس و هما كتير ما شاء الله ف كل حته احنا ف الاخر مش متخصصين زيهم لان دي شغلتهم بس انا عاوزه اشارك معاكم مشكلتي عشان محدش يبقا محبط من اي مشكله ليها علاقه بتغيير لون الجلد لانها و الله العظيم بتتحل و لون الجلد بيتوحد تقوليش حاطه كريم اساس ههه ..

ايه الادويه اللي الدكتوره كتبتهالي؟

اول دوا كانت كتبتلي عليه هو التريتوسبوت و طبعا انا استغربت جدا لاني كنت اشتريت الدوا ده قبل كده لاديا لما اتلسعت من غطا الحله ده اصلا كريم حروق .. المهم ان الدكتوره قالتلي الكريم ده يتحط على المنطقه الحساسه كل يوم لمده ربع ساعه بس و يتغسل بمايه دافيه مش اكتر من ربع ساعه و متخليششش الكريم ينشف على جسمك بليز هتفضلي ع الحال ده لمدة تلات اسابيع هتلاحظي ان جلدك بيقشر متقلقيش كملي عادي الا لو الالتهاب كان شديد طبعا و بلاش تستعملي الكريم ده وقت البيريود و لا تستعملي السويت ف الوقت ده خالص لان المكان نفسه مش مستحمل و الجلد على اخره يعني فاخرك تستعملي مكنه حلاقه ع الهادي يا زبادي خاااالص بلاش غباوه ..

تجربتي لتفتيح المناطق الحساسة

تاني دوا كانت كتبتلي عليه هو الوايت اوبجيكتف ديرما و ده تحطيه بعد اول دوا و تسيبيه نصايه كده و تغسليه كويس ..

تالت دوا اتكتبلي هو ايلوكون و ده اصلا دوا ملطف هتستخدميه وقت اللزوم يعني لو حصل اي التهابات زياده عن الطبيعي هوب تحطي منه و انا بصراحه من بعد ما استعملت الكريمات دي و انا اهو مكملناش شهر و نص و انا الحمد لله راضه جدا عن النتايج و حاسه بفرق و حتى جوزي ملاحظ الفرق و الدنيا بيننا تمام الله ينور خاربينها كل شويه ..

تجربتي لتفتيح المناطق الحساسة

طبعا عشان تحافظي ع النتايج دي لازم تهتمي بالتنضيف المستمر للمكان ده  انا كنت بستعمل غسول اسمه سيتيال و هما ممتاز جدا ده غير انه مضاد للفطريات و البكتيريا بشكل كبير و بيخلي المكان ده دايما ف حاله صحية ممتازه جدا و المكان رجع لافضل و الله من قبل كده .. يا ريت يا بنات اي حد يجرب ان يفتح المناطق الحساسة باي طريقه مناسبه يكتبها للبنات عشان فيه بنات كتير بقت محبطه جدا من الموضوع ده و عايزهم بس يتأكدوا ان كل الهم ده بيروح و الله و الدنيا بترجع زي الفل بفضل ربنا ..

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *