تجربتي مع خشونه الركبة

ازاي تخلصت من وجع خشونة الركبة و مجاليش تاني ابدا بفضل الله

ازاي تخلصت من وجع خشونة الركبة و مجاليش تاني ابدا بفضل الله

خشونه الركب

انا محمد عبد الله محاسب في البنك العربي الافريقي عندي 34 سنه و كنت دايما بشتكي من خشونه الركب و رغم ان سني صغير نسبيا انا يعتبر شاب يعني متجوزتش الا من 3 سنين بس و مشكلة خشونه الركبة دي كانت دايما بتسببلي التعب و الوجع و من اقل مجهود خصوصا لو طالالع السلم و شايل حاجه حتى لو ان الحاجه دي مش تقيلة كنت دايما بعاني من الم سخيف جدا مع اني ساكن ف الدور التالت يعني ميعتبرش دور عالي و طبيعة شغلي اني تقريبا طول اليوم على المكتب فمن سنتين شكيت و لما ابتديت احس بوجع ف ركبي و ابتديت ادور على الموضوع حد من صحابي غير المختصين كان قالي روح للدكتور مشهور ف مصر الجديده ميدان الحجاز على اعتبار ان والد صاحبي كان عنده نفس المشكلة و كان دايما بيشتكي من رجليه و ركبه بس كان الدكتور مشخصة انه عندة انزلاق غضروفي فصاحبي ده كان اشتبه ف الموضوع و فضلت انا تقريبا اسبوع موهوم بفكرة الانزلاق الغضروفي و زعلان اني يعني حد صغير و نوعا ما رياضي لحد ما جار ليا عندهم محلات عطارة ف مدينه نصر كان وصفلي وصفه حبيت اشاركها مع الناس خصوصا ان الدكتور لما روحتلة طلب مني اني ارتاح بشكل كامل و مبذلش اي مجهود و اخد مضادات التهاب .. لما جاري ده زارني و حكيتلة عن مشكلتي قالي على وصفه كده تبع الجماعه العطارين بيوصفوها للناس من زمان خصوصا العطارين اللي توارثوا المهنه ابا عن جد .. انا بيني و بين نفسي بقول الراجل ده بتاع اعشاب و العلم اتطور و زمن الهلس و شغل حلق حوش ده انتهى يعني .. مراتي قالتلي يا ابني جرب انت مش خسران حاجه و فعلا الراجل مكدبش خبر و تاني يوم و هو راجع من شغله اتصل بيا و طلب انه يزورني و اداني العلاج اللي كان بيقول عليه !!

طب ازاي تعالج خشونه الركبه

خشونه الركبة

العلاج كان بالطريقه دي و معلش انا عاوز افيد كل حد بيقرا الكلام اللي انا كاتبه ده لاني فعلا اتحسنت جدا بفضل ربنا اولا و بفضل الكلام اللي الراجل الطيب ده قالي عليه و هي وصفه بالمناسبه رخيصة جدا ف تمنها و متاحه عند اي عطار و العطارين كتير ما شاء الله بس يا ريت تختار حد سمعته كويسه بين الناس حشان متقعش ف حد غشاش و لا ف بضاعه مضروبه لا قدر الله طبعاا ..

هات اللي هقولك عليه ده بالزبط ..

  • هات ربع كيلو جيلاتين الواح و بلاش البودرة ده و النبي عشان بيبقى مضروب و ولاد الحرام كتير يعني ..
  • حط منهم لوحين تلاته كده ف حله و ارمي عليهم يجي كوبايتين ماية و شغل عليهم البوتجاز لحد ما يسيحوا خالص
  • و طفي البوتوجاز و حطلك عليهم بتاع ليتر عصير مثلا طبيعي فريش او معلبات لو الفريش مش متوفر او غالي عليك
  • عبيه ف كوبايات و حطه ف التلاجه لحد ما يجمد كده و يبقا شبه الجيلي
  • اشربلك منه كوبايتين لمدة شهر او عشرين يوم ع الاقل و هتلاحظ فرق و هتدعيلي
  • وزع الكوبايتين دول على مدار اليوم يعني مثلا وحده الصبح و التانيخ بليل قبل النوم
  • ممكن تحط سكر او عسل على حسب رغبتك
  • التجربة دي مش هتناسب حضرتك لو عندك انزلاق غضروفي

تجربتي مع خشونه الركبة

  • العصير اللي هتضيفه لازم يكون عصير خفيف زي كركديه مثلا او اناناس
  • لو عند حضرتك الام شديده ف منطقة اسفل الضهر معلش اتعب نفسك و روح اعمل اشعه عند الدكتور لان الوصفه مش هتناسب حضرتك ف بعض حالات الانزلاق الغضروفي او اللي بنسميه الديسك لان الغضروف لما بيكون متزحلق و طالع من مكانه هيزود احتكاك الفقرات ببعضها ده غير انه هيكون خابط ف عصب من الاعصاب اللي متفرعه من الضهر فهيسبب الم شديد و ف كتير من الحالات هيتطلب تدخل جراحي مش مجرد وصفات فعالة بالتجربة او بالموروث الشعبي
  • الجلي هو الجيلاتين و بيتباع اصلي ف مصر مش مغشوش و لا داخل فيه دهن الخنزير و هتلاقيه عند العطار بس بلاش بالله عليكم المطحون او البودرة ده
  • الوصفه دي مشيت بفضل الله مع ناس كتير من اللي اعرفهم و من اهاليهم لحد ما بقيت وسطهم دكتور خلاص و متصيت .. مش هتخسر حاجه يمكن ربنا بيحط سره ف اضعف خلقة جرب .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *